კარლო ანჩელოტისთვის „ელჩესთან“ დაპირისპირება საიუბილეო გამოდგა. იტალიელი სპეციალისტის თავკაცობით „ბლანკოსი“ 150-ჯერ გავიდა მოედანზე, მისი ციფრები კი ნამდვილად შთამბეჭდავია...

150 მატჩიდან კარლიტომ 113 მოიგო, 18 ფრედ დაასრულა და 19 წააგო. ასევე უნდა აღინიშნოს, რომ ანჩელოტი არის „ბლანკოსის“ ისტორიაში პირველი მწვრთნელი, რომელმაც პირველ 100 დაპირისპირებაში 78 გამარჯვებას მოუყარა თავი.

კარლოს ანგარიშზე არის ჩემპიონთა ლიგა, მსოფლიო საკლუბო ჩემპიონატი, კოპა დელ რეი, ევროპის სუპერთასი და ესპანეთის სუპერთასი. ის ამ სეზონში საკუთარი „ტიტულების მუზეუმის“ კიდევ უფრო გამრავალფეროვნებას ეცდება.

ამ ეტაპზე კარლოს საზრუნავი ჟოზე მოურინიოს 178 მატჩიანი, მოლოუნის 183 მატჩიანი და ბეენჰაკერის 197 თამაშიანი შედეგის გაუმჯიბესება იქნება, რაც აბსოლუტურად რეალურია.

შემდეგ უკვე იტალიელის მიზანი დელ ბოსკეს 246 და ზიზუს 263 მატჩიანი შედეგის გაუმჯობესება იქნება, თუმცა ეს გაცილებით შორი პერსპექტივაა.