პერესი:„ვულოცავ ყველა მადრიდისტას, ეს დიდი გამარჯვებაა“
ფლორენტინო პერესმა მადრიდისტებს ესპანეთის სუპერთასის მოგება მიულოცა, ლუკა მოდრიჩს კი გამაოგნებელი ფეხბურთელი უწოდა...
„ეს იყო დიდი გამარჯვება, თუმცა უნდა აღინიშნოს, რომ „ბილბაომ“ ბრწყინვალე ფეხბურთი ითამაშა და ეს გუნდი შექებას იმსახურებს. მე ვულოცავ თითოეულ ბილბაოელს.“
„ჩვენ ვიპოვეთ ახალი მიმართულება, რომელმაც გამარჯვებისკენ უნდა მიგვიყვანოს. კარლო ანჩელოტიმ „ბლანკოსში“ დაბრუნების შემდეგ პირველი ტიტული მოიგო. ეს ჯილდო ძალიან გვახარებს და კიდევ უფრო დიდ ოპტიმიზმს გვძენს.“
„როგორც სჩანს, მარსელო საუდის არაბეთშიც ძალიან უყვარს, ეს კი ეპოქის დამსახურებაა, რომელიც ბრაზილიელმა ფეხბურთელმა თეთრი მაისურით შექმნა. ის აქ 18 წლის ასაკში მოვიდა, დღეს კი გუნდთან ერთად 23-ე ტიტული მოიგო. ჩვენ გვყავს ლეგენდარული კაპიტანი.“
„„რეალის“ თითოეული ფეხბურთელი საუკეთესოა საკუთარ პოზიციაზე. დიახ, კურტუა საოცარ სეზონებს ატარებს. იგივეს თქმა შემიძლია ლუკა მოდრიჩზეც, რომელიც საკუთარი საოცარი კონდიციით ქომაგების გაოგნებას ახერხებს.“
„სადაც არ უნდა იყოს „ბლანკოსი“, ქომაგების სიმრავლე ყველგან შეინიშნება, ვინაიდან ეს არის დიდი ისტორიის მქონე გუნდი, რომლის ტრადიციებიც ტიტულების მოგებაა. ჩვენ მსოფლიოში ყველაზე მეტი ქომაგი გვყავს და ამით ვამაყობთ.“
„მსურს მივულოცო თითოეულ მადრიდისტას, ეს ყველას გამარჯვებაა.“
- 17 იანვარი 2022
- 1 085
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
