კატალონიის „ბარსელონაში“ იციან, რომ მადრიდის „რეალს“ არნახული ფინანსური რესურსი აქვს იმისათვის, რომ ერლინგ ჰოლანდის დამატება და მისი მაღალი ხელფასის უზრუნველყოფაც შეძლოს...

Diario Sport-ის ინფორმაციით, კატალონიურ მხარეს ამ ეტაპზე ნორვეგიელის ტრანსფერის შემთხვევაშიც კი მისი დარეგისტრირება და სახელფასო უზრუნველყოფა არ შეუძლია, თუმცა ეძებს გზებს, რითიც მოახერხებს „ბლანკოსისთვის“ კონკურენციის გაწევას.

ჟოან ლაპორტა ხვდება, რომ ფლორენტინო პერესთან კონკურენცია მარტივი არ იქნება, თანაც იმ ფონზე, რომ მან კილიან მბაპესთან შეთანხმებას უკვე მიაღწია და ზაფხულში მთელი ყურადღების გადატანა შეუძლია ახალგაზრდა ფორვარდზე.

ვრცელდება ინფორმაციები, რომლის მიხედვითაც, „ბარსელონა სახელფასო ბიუჯეტოს გამოსატავისუფლებლად რამდენიმე მოთამაშეს შეელევა და სტრუქტურულ ცვლილებებსაც მოახდენს.

„ბარსელონას“ ჯერ კიდევ აქვს რამდენიმე თვე იმისათვის, რომ ზაფხულისთვის კარგად მოემზადოს. „რეალს“ კი ამ დროის სათავისოდ გამოყენება და ჰოლანდთან მოლაპარაკებების ფორს-მაჟორულ რეჟიმში წარმოება მართებს.