ბრიტანული გამოცემების ცნობით, ვინისიუს ჟუნიორის სანაცვლოდ მადრიდის „რეალი“ ძალიან მიმზიდველ წინადადებას მიიღებს...

ხოსეპ გუარდიოლას უმთავრესი მიზანი ერლინგ ჰოლანდია და „სიტი“ ყველაფერს გააკეთებს ნორვეგიელი ფორვარდის დასამატებლად, თუმცა ფეხბურთელს პრემიერლიგისკენ არ მიუწევს გული და ლა ლიგაში თამაშზე ფიქრობს.

სწორედ ამიტომ, მანჩესტერული გრანდის მთავარ მწვრთნელს აქვს ალტერნატიული გეგმა, რომელიც ვინისიუს ჟუნიორის დამატებას გულისხმობს. თუ ჰოლანდთან არაფერი გამოვა, „ქალაქელები“ ბრაზილიელი შემტევისტვის 150 მილიონ ევროს გაამზადებენ, რაც სახუმარო თანხა ნამდვილად არ არის.

მადრიდში ვინის გაშვებაზე საერთოდ არ ფიქრობენ, თუმცა ზემოაღნიშნული თანხა ნებისმიერი გუნდის ხელმძღვანელს დააფიქრებს, თანაც იმ ფონზე, რომ მბაპეს გამადრიდელება ფაქტობრივად გადაწყვეტილია.