ანჩელოტი:,,შეცდომები გვქონდა, მაგრამ გამარჯვება დავიმსახურეთ"
კარლო ანჩელოტიმ „ელ კლასიკოს“ მოგების შემდეგ პრესკონფერენცია გამართა და დაპირისპირება შეაფასა...
„ჩვენ გვქონდა როგორც დადებითი, ასევე უარყოფითი მხარეები, თუმცა ფაქტი ის არის, რომ თამაში კარგად დავგეგმეთ. გუნდმა ბოლო დღეებში დიდი დატვირთვა მიიღო, რასაც თან დაერთო ხანგრძლივი ფრენა, შეგუება ახალ გარემოსთან და ასე შემდეგ. საერთო ჯამში ნაჩვენები შედეგით კმაყოფილი ვარ.“
„კონტრ-შეტევებზე საკმაოდ ეფექტურად ვასპარეზობდით და სწრაფ ტემპში ვუტევდით, რასაც ხელს ჩვენი სწრაფი ფეხბურთელები უწყობდნენ.“
„ჩავის მატჩის შემდეგ ვუთხარი, რომ მისი გუნდის თამაში მართლაც თვალსაჩინო იყო, თუმცა არ ვეთანხმები, როდესაც აფიქსირებს, რომ „ბარსელონა“ „რეალს“ სჯობდა.“
„ფინალი ყველა ვარიანტში საინტერესო იქნება. თუ „ატლეტიკოს“ შევხვდებით, უდიდესი გამოწვევის წინაშე მოგვიწევს ყოფნა, პრინციპში იგივეს თქმა შეიძლება „ბილბაოსთან“ შერკინებაზეც.“
„ფაქტია, რომ „ბარსელონას“ პროგრესირებს. ფერან ტორესისა და ანსუ ფატის სახით გუნდში დიდი მატებაა, ასევე ძალიან მომწონს ახალგაზრდა პედრი, რომელიც აშკარად ძალიან უმატებს.“
„მოდრიჩის გამოცდილება ფასდაუდებელია, ხორვატმა ფეხბურთელმა ამ გამარჯვებაში უდიდესი წვლილი შეიტანა და გუნდს ბალანსი მისცა. ვალვერდეს მოედანზე გასვლის შემდეგ კოლექტივი კიდევ უფრო სწრაფი და მობილური გახდა.“
„ცენტრალური ნახევარმცველების მარგი ქმედების კოეფიციენტი საკმაოდ მაღალი იყო, თუმცა ისინი პრესინგზე ნაკლებად იტვირთებოდნენ.“
- 13 იანვარი 2022
- 4 524
- 14
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
