ჩავი ერნანდესმა „რეალთან“ მატჩის წინ პრესკონფერენცია გამართა, სადაც საკმაოდ საინტერესო განცხადებები გააკეთა სამეფო კლუბის ფეხბურთელებთან დაკავშირებით...

„თუ ჩვენ ვითამაშებთ ზუსტად და ვეცდებით, რომ ბენზემა-ვინისიუსის დუეტი გავაჩეროთ, წარმატების შანსი გაიზრდება. ეს ფეხბურთელები ერთმანეთისგან რადიკალურად განსხვავდებიან და სწორედ ამიტომ არის „ბლანკოსის“ შეტევა ასეთი მრავალმხრივი და სახიფათო.“

„ასეა თუ ისე, „რეალი“ ესპანეთში საუკეთესო კლუბია და ეს ლა ლიგის სატურნირო ცხრილშიც სჩანს. ჩვენ ამ მატჩით ბევრ დასკვნას გამოვიტანთ და გავიგებთ, რეალურად სად ვარ და ასევე რა შეგვიძლია.“

„„ელ კლასიკოში“ პროგნოზების გაკეთება საკმაოდ რთული იქნება. მე ვფიქრობ, რომ ყველაფერი შეიძლება მოხდეს.“

„წინა ხაზში ბევრი სიახლე გვაქვს, მაგრამ ტრავმებისგან თავის არიდება უნდა მოვახერხოთ. „ბარსელონა“ მადრიდული გრანდის წინააღმდეგ გაზრდილი რესურსით ითამაშებს, რაც მახარებს.“