კარლო ანჩელოტიმ „ელ კლასიკოს“ წინ პრესკონფერენცია გამართა...

„ჩვენ აქ გამარჯვებისთვის ჩამოვედით. გვსურს, რომ 2022 წელი ესპანეთის სუპერთასის მოგებით დავიწყოთ. ყველაფრისთვის მზად ვართ და ვიცით, რომ ბარიერები საკმაოდ რთული იქნება. როდესაც თამაშს თამაშობ, არასდროს იცი რა მოხდება. ფაქტია, რომ „ბარსელონას“ ამ სეზონში გაცილებით მეტი პრობლემა აქვს, ვიდრე ჩვენ, მაგრამ ეს არაფერის ცვლის. დარწმუნებული ვარ, კატალონიური კლუბი დიდი შემართებით ითამაშებს. „ბარსას“ მიზანი სუპერთასის მოგება იქნება.“

„ასეთი ტიპის თამაშები ძალიან მომწონს, ვინაიდან მეტოქე „ბარსელონაა“ და ინტერესი პიკს აღწევს. სასტარტო შემადგენლობაზე ფაქტობრივად ჩამოყალიბებული ვარ. ჯერ-ჯერობით ვერ გადავწყვიტე დანი კარვახალის საკითხი. ესპანელი ტრავმის შემდეგ დაბრუნდა და სრულფასოვანი ვარჯიში დაიწყო, მაგრამ გავა თუ არა მოედანზე პირველივე წუთებიდან ხვალ გადავწყვეტ.“

„ალაბა დიდებული ფეხბურთელია, მას ლა ლიგაში ადაპტაცია არ გაჭირვებია. გერმანიასა და ესპანეთს შორის თვისობრივი სხვაობები, მაგრამ ეს ადამიანი დიდ პროფესიონალიზმს ფლობს და ზუსტად იცის, სად როგორ ითამაშობს. ბოლი წლებში ავსტრიელი ხშირად გამოდიოდა ცენტრალური მცველის პოზიციაზე, „ბლანკოსში“ კი მილიტაოს მეწყვილედ განიხილება და საკმაოდ სტაბილური ფეხბურთელის შთაბეჭდილებას ტოვებს.“

„შანსები თანაბარია და ფავორიტის სტატუსს არცერთი კლუბი არ ფლობს. ჩვენ ხომ ლა ლიგის მატჩზე არ ვსაუბრობთ, სადაც მადრიდი კატალონიურ კლუბს საკმაოდ სოლიდური სხვაობით უსწრებს. ეს ესპანეთის სუპერთასია, სადაც ყველას აქვს გამარჯვების საშუალება.“

„„ბარსელონაში“ ბევრი გამოცდილი მოთამაშე თამაშობს, მაგალითად ბუსკეტსი, ჯორდი ალბა და პიკე. ასევე დიდ პერსპექტივას ფლობენ გავი, ნიკო და სხვები. ამ გუნდს ნამდვილად აქვს დიდი მომავალი.“

„ჩემი ფეხბურთელები არ ფიქრობენ, რომ ფავორიტები არიან. მათ იციან საკუთარი საქმის კეთება და გამარჯვებისთვის ბრძოლა. თითოეული მოთამაშე უდიდესი მოტივაციით გავა მწვანე მინდორზე და შესაძლებლობების მაქსიმუმის გამოვლენას შეეცდება.“

„ჩავი გამოცდილი მწვრთნელი არ არის, მაგრამ მისი ქარიზმა, ხედვა და კატალონიური მიდგომები გუნდში ბევრ რამეს ცვლის. დარწმუნებული ვარ, ლეგენდარულ ფიგურასთან ერთად „ბლაუგრანა“ დიდ პროგრესს აჩვენებს.“