ბარსელონას ყოფილმა და გალათასარაის ახლანდელმა მწვრთნელმა რაიკაარდმა გუნდის ხელმძღვანელობას გუტის შეძენა მოსთხოვა.

თურქები მიმდინარე სეზონში სერიოზულად გაძლიერდნენ, კლუბს უკვე შეუერთდნენ: ელანო, ლეო ფრანკო, მილან ბაროში და ჰარი კიუელი, ახლა კი თვალი დაადგეს მადრიდის რეალის ვიცე კაპიტანს, რაიკაარდის განცხადებით მათ ჭირდებათ გამთამაშებელი და გუტი მის კლუბს სავსებით აკმაყოფილებს.

გალათასარაის ხელმძღვანელობამ მოიწონა მთავარი მწვრთნელის იდეა და დაიწყეს რეალის ვიცე კაპიტანზე ნადირობა. მათ მიაჩნიათ, რომ რეალის მეთოთხმეტე ნომერი დაეხმარება თურქულ გრანდს წარმატების მიღწევაში, როგორც ქვეყნის შიგნით ასევე მის ფარგლებს გარეთ.

ახლა ბლანკოსში ე.წ. "წმენდა" მიმდინარეობს და ამ ტრანსფერის გაჩარხვა სავსებით რეალურია, მთავარია გალათასარაიმ სამეფო კლუბს სათანადო წინადადებით მიმართოს. თავად გუტის პოზიცია კი ჯერ უცნობია, თავდაპირველად იგი აპირებდა კლუბში კონტრაქტის ამოწურვამდე 2011 წლამდე დარჩენილიყო, თუმცა ახლა შეიძლება ყველაფერი შეიცვალოს.

ინფორმაციის წყარო: marca.com