მოგეხსენებათ, კარიმ ბენზემამ მადრიდის „რეალში“ მე-300 ისტორიული გოლი გაიტანა, რასაც შემდეგ 301-ე ბურთიც მოჰყვა.

აღსანიშნავია, რომ 301 გატანილი გოლიდან ფრანგმა მხოლოდ 15-ჯერ გაიტანა პენალტი, დანარჩენ შემთხვევაში კი საქმე ან საჯარიმო დარტყმასთან, ანაც თამაშიდან გატანასთან გვქონდა.

კრიშტიანო რონალდუს ეპოქაში კარიმი პენალტს ძალიან იშვიათად ურტყავდა, პორტუგალიელის წასვლის შემდეგ კი ეს ფუნქცია სერხიო რამოსს ერგო წილად.

სწორედ ზემოაღნიშნულიდან გამომდინარეობს ის მწირი მაჩვენებელი, რომელიც „ბლანკოსის“ შემტევს თერთმეტმეტრიანების ასპექტში აქვს.