გერმანიაში უკვე კარგად იციან, რომ ერლინგ ჰოლანდის სეზონის ბოლოს კლუბს დატოვებს. შესაბამისად, „დორტმუნდმა“ შემცვლელის ძიება დაიწყო.

ჰოლანდის მომავალი კლუბი „რეალი“ ან „ბარსელონა“ იქნება. ფეხბურთელი სხვა ვარიანტებს არ განიხილავს. დიახ, „სიტი“ არ ნებდება, თუმცა ნორვეგიელი ღიად აფიქსირებს, რომ პრემიერლიგა არ ხიბლავს.

„ბორუსიაში“ ერლინგის შემცლელის ვინაობა ჯერ არ დაუსახელებიათ, თუმცა განიხილება კარიმ ადეიემის კანდიდატურა, რომელიც ამომავალ ვარსკვლავად ითვლება და სწორედ ჰოლანდის გზას გადის.

აღსანიშნავია, რომ ადეიემის დამატებაზე „რეალსაც“ ჰქონდა პრეტენზია, თუმცა საბოლოო ჯამში ფლორენტინო პერესმა გეგმები შეცვალა და აქცენტს უფრო გამოცდილ მოთამაშეებზე აკეთებს.