ანდალუსიური „სევილია“ აღარ ხუმრობს. ხულიენ ლოპეტეგის გუნდმა ამჯერად „ხეტაფე“ დაამარცხა და მორიგი 3 ქულა ჩაიწერა აქტივში.

ჩატარებული 20 დაპირისპირების შემდეგ „სევილიას“ 44 ქულა აქვს და მადრიდის „რეალს“ 5 ქულით ჩამორჩება, თუმცა უნდა აღინიშნოს, რომ ლოპეტეგის გუნდს 1 მატჩი რეზერვში აქვს, რომლის მოგების შემთხვევაშიც, სამეფო კლუბთან 2 ქულიან სხვაობას დააფიქსირებს.

აღსანიშნავია, რომ ანდალუსიელებმა 20 ჩატარებული მატჩიდან 13 მოიგეს, 5 ფრედ დაასრულეს და მხოლოდ 2 წააგეს, მათ მართლაც საოცარი სეზონი აქვთ და როგორც სჩანს, ჩემპიონობაზე სერიოზულ განაცხადს გააკეთებენ.