ვინისიუსი:„კროოსისა და მოდრიჩის როლი ძალიან დიდია“
ვინისიუს ჟუნიორმა „ვალენსიასთან“ გამარჯვების შემდეგ კომენტარი გააკეთა...
„ეს იყო გუნდური თამაში, სადაც თითოეულმა ფეხბურთელმა მოედანზე მაქსიმუმი დადო და საბოლოო ჯამში სასურველ შედეგს მიაღწია. აღსანიშნავია, რომ კროოსისა და მოდრიჩის დუეტი წინახაზელებს ძალიან გვეხმარება. ცალკე გამოსაყოფია კარიმ ბენზემა, რომელიც ყველა დაპირისპირებაში მაქსიმუმს აკეთებს იმისათვის, რომ სივრცეები გამითავისუფლოს და მოქმედების დიდი არეალი მომცეს. ჩემთვის ძალიან მნიშვნელოვანია ფრანგ ფორვარდთან ერთად გუნდში ყოფნა, ვინაიდან მას დიდი გამოცდილება აქვს.“
„პაუზის შემდეგ მოედანზე დავბრუნდი და 2 გოლის გატანა შევძელი. რა თქმა უნდა, ბედნიერი და ამაყი ვარ, თუმცა ამაზე გაჩერებას არ ვაპირებ. ყოველკვირეულად ძალიან ბევრს ვვარჯიშობ და ვცდილობ, მაქსიმუმი გავაკეთო.“
„მოედანზე ჩავთვალე, რომ ჩემს წინააღმდეგ თამაშის წესები ირღვეოდა და პენალტი უნდა დანიშნულიყო. იმ მომენტის ვიდეო ჩანაწერი ჯერ არ მინახავს, აქედან გამომდინარე, დასკვნას ვერ გავაკეთებ.“
„მბაპე? მას პატივს ვცემ და წარმატებებს ვუსურვებ. ფრანგის „რეალში“ ტრანსფერზე ინფორმაცია არ მაქვს. თუ ის მართლაც მადრიდელი გახდება, ჩემი პოზიცია რა თქმა უნდა დადებითი იქნება, ვინაიდან კილიანს ერთ-ერთ ყველაზე ძლიერ ფიგურად მივიჩნევ.“
- 9 იანვარი 2022
- 4 156
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
