ბრიტანული გამოცემების ცნობით, მანჩესტერ „სიტი“ მოამზადებს ისეთ წინადადებას, რომელზეც ერლინგ ჰოლანდს უარის თქმა ძალიან გაუჭირდება...

პეპ გუარდიოლას ახალგაზრდა შემტევი ძალიან მოსწონს და თვლის, რომ ის პრემიერლიგას შესანიშნავად მოერგება, სწორედ აქედან გამომდინარე, „ქალაქელები“ „რეალზე“ და „ბარსელონაზე“ ბევრად მიმზიდველი წინადადებით მიმართავენ ერლინგის წარმომადგენლობას.

ზოგიერთი გამოცემის ცნობით, ეს გარიგება აუცილებლად შედგება და ესპანური კლუბები უშანსოდ არიან, თუმცა ამ მოსაზრებას „რეალი“ არ იზიარებს.

ფაქტი ის არის, რომ ჰოლანდს პრემიერლიგისგან არ მიუწევს გული და არჩევანის გაკეთებას „რეალსა“ და „ბარსელონას“ შორის აკეთებს.

ასევე ყველას ახსოვს რამდენიმე დღის წინ გავრცელებული ინფორმაცის, სადაც ჰოლანდი ესპანეთში ყოფნის დროს ღიად აცხადებდა, რომ მომდევნო სეზონიდან კარიერას ლა ლიგაში განაგრძობს.