მადრიდის „რეალისა“ და „ვალენსიას“ დაპირისპირება სანტიაგო ბერნაბეუს სახელობის სტადიონზე შედგება, შემდეგ კი „ბლანკოსი“ საუდის არაბეთში მიემგზავრება და საშინაო არენაზე მატჩს 2 კვირის განმავლობაში არ გამართავს...

აღსანიშნავია, რომ გუნდის ხელმძღვანელობა ამ პერიოდის სათავისოდ გამოყენებას გეგმავს და სამუშაოებს კიდევ უფრო დააჩქარებს. ბერნაბეუზე გასამართი მატჩების გამო, სამუშაოები ხშირად ყოვნდება, რაც დამატებით პრობლემებს ქმნის.

8 იანვრის შემდეგ სარეკონსტრუქციო სამუშაოები 24 საათიან რეჟიმში წარიმართება და მხოლოდ 22 იანვარს შეჩერდება, ვინაიდან 23-ში ესპანეთის დროით 16:15 საათზე „ბლანკოსი“ „ელჩეს“ უმასპინძლებს.

ასევე აღსანიშნავია თებერვლის თვის 2 კვირიანი შუალედი, რომელიც „ბლანკოსს“ ხელს მისცემს. 5 ან 6 თებერვალს „ბლანკოსი“ „გრანადას“ მასპინძელი იქნება, შემდეგ კი 20 თებერვლამდე საშინაო მატჩებს არ გამართავს. ამ შუალედში „მერენგები“ „ვილიარეალს“ და „პსჟ“-ს ეწვევიან.