ესპანური და იტალიური გამოცემების ცნობით, მადრიდის „რეალი“ ფრანკ კესის ირგვლივ ტრიალებს...

სამეფო კლუბმა იცის, რომ სამხრეთ აფრიკელ ფეხბურთელს „მილანთან“ კონტრაქტი 2022 წლის 30 ივნისს ეწურება. შესაბამისად, ნახევარმცველი მალე თავისუფალი აგენტის სტატუსს მიიღებს.

კესიმ მსურველ კლუბებთან მოლაპარაკებების უფლება უკვე მიიღო. ასევე ცნობილია, რომ მოთამაშე კარიერის „როსონერის“ რიგებში გაგრძელებაზე არ ფიქრობს და შეთავაზებებს განიხილავს.

„ბლანკოსი“ ფრანკისთვის 6 წლიან კონტრაქტს ამზადებს და არ არის გამორიცხული, მიმდინარე თვის ბოლომდე შეთავაზება წარადგინოს კიდეც.

ფლორენტინო პერესი კესიში კაზემიროს შემცვლელს ხედავს და მიიჩნევს, რომ მოთამაშის ფიზიკური მახასიათებლები „ბლანკოსში“ არსებულ სტანდარტებს შესაბამისად უპასუხებს.