„ლევანტე“ საკმაოდ მძიმე მდგომარეობაშია. გუნდი ლა ლიგის ცხრილში მე-20 პოზიციას იკავებს და ალბათ აღარავის აქვს ილუზია იმისა, რომ უმაღლეს ლიგაში დარჩენას შეძლებს...

სწორედ აქედან გამომდინარე, ვალენსიური კლუბი გამოსავალს ეძებს და ფეხბურთელების დამატებაზე ფიქრობს. „ლევანტეს“ ხელმძღვანელობას მადრიდელი ახალგაზრდის, პეტერ ფედერიკოს 6 თვიანი იჯარით აყვანა სურს, რადგან თვლის, რომ წინა ხაზში „კასტილიელი“ მოთამაშე მრავალფეროვნებას შეიტანს.

გუნდი ახალგაზრდა შემტევს მუდმივ სათამაშო პრაქტიკას პირდება და ასევე მზადყოფნას გამოთქვამს, ხელფასის 100%-ით თავად დაფაროს.

ჯერ-ჯერობით უცნობია, რაულისა და კარლო ანჩელოტის პოზიცია მოთამაშის 6 თვიანი იჯარით გაშვებასთან დაკავშირებით.