სამეფო კლუბის ახალგაზრდა ფეხბურთელმა, ესტებან გრანერომ განაცხადა, რომ გახარებულია მადრიდის რეალის ახალი შენაძენით. ახალგაზრდა ფეხბურთელის თქმით ლეონი "ბლანკოსს" დიდ სამსახურს გაუწევს.

"მოხარული ვარ, რომ პედრო ჩვენ რიგებს შემოუერთდა, ის მართლაც ესპანური ფეხბურთის ამომავალი ვარსკვლავია და შეუძლია მაღალი მწვერვალების დაპყრობა."

"ხეტაფეს თამაშებს ძალიან ხშირად ვადევნებ თვალს და ეს ფეხბურთელი გუნდის უდავო ლიდერი და მთავარი ფიგურა იყო. იგი შესანიშნავად ასრულებს საჯარიმო დარტყმებს, აქვს გამოზომილი და ზუსტი დარტყმა რაც თანამედროვე ფეხბურთში ძალიან ფასობს."

"ლეონს წარმატებებს ვუსურვებ და იმედს გამოვთქვამ, რომ იგი გუნდს დიდ სამსახურს გაუწევს."