„ხეტაფეს“ პრეზიდენტი, ანხელ ტორესი მარიანო დიასის იჯარით დამატებაზე ფიქრობს. მიუხედავად იმისა, რომ ფეხბურთელი „ბლანკოსის“ დატოვებაზე კატეგორიულ უარს აცხადებს, მოლაპარაკებების დაწყება გარდაუვალია...

„ბლანკოსს“ დიასი არ სურს, „ხეტაფე“ კი მას გარანტირებულ სათამაშო დროს პირდება. მადრიდული დერბის წინ ორივე გუნდის პრეზიდენტი ერთმანეთს შეხვდა და სამომავლო თანამშრომლობის პერსპექტივები განიხილა.

„ხეტაფე“ მარიანოს მიმართ ინტერესს ღიად გამოხატავს. კონტრაქტი, რომელიც დიასსა და „ბლანკოსს“ აკავშირებს, 2024 წლის 30 ივნისამდეა გათვალისწინებული.

თუ მარიანო 2022 წლის ზაფხულში 1 წლით „ხეტაფეში“ წავა, „რეალს“ მისი დაბრუნება 2023-ში შეეძლება და დიდი ალბათობით გაყიდვასაც მოასწრებს, ვინაიდან იმ პერიოდისთვის მადრიდული გრანდის შეტევაში ნამდვილი ვარსკვლავთცვენა უნდა იყოს.