არაერთი ესპანური გამოცემის ცნობით, მადრიდის „რეალმა“ ლუკა მოდრიჩთან დაკავშირებით სამაგალითო გადაწყვეტილება მიიღო. მოგეხსენებათ, მხარეები კონტრაქტის 1 წლით გახანგრძლივებაზე შეთანხმებას მალე მიაღწევენ და ლუკიტა ბერნაბეუზე 2023 წლის 30 ივნისამდე დარჩება, თუმცა ეს ყველაფერი არ არის...

მოლაპარაკებების შედეგად, ცნობილი ხდებოდა, რომ ხორვატი ნახევარმცველი ხელფასს კიდევ 10%-ით შეიმცირებდა, თუმცა ფლორენტინო პერესმა სხვა გადაწყვეტილება მიიღო.

ახალი კონტრაქტის მიხედვით, მოდრიჩის ხელფასი იგივე დარჩება და არცერთი ევრო არ დააკლდება.

მომდევნო სეზონში გუნდის ლეგენდარული ფეხბურთელის შემოსავალი კვლავ 9.6 მილიონი ევროთი განისაზღვრება.

რაც შეეხება ახალი კონტრაქტის გაფორმებას. ფლორენტინო პერესი და ოქროს ბურთის 2018 წლის გამარჯვებული ახალ ხელშეკრულებას ხელს უახლოეს მომავალში მოაწერენ.