„რეალი“ აღარ ხუმრობს. სულ რაღაც ერთი კვირის წინ გავრცელდა ინფორმაცია, რომლის მიხედვითაც, სამეფო კლუბი „აიაქსის“ ნახევარმცველის, რაიან გავენბერხის შეძენით იყო დაინტერესებული, ახლა კი კომუნიკაცია კონკრეტულ შედეგებამდე მიდის.

არსებული ინფორმაციით, აგენტ მინო რაიოლასთან „ბლანკოსის“ წარმომადგენლობა კონკრეტული წინადადებით წარსდგა, ამასთან ერთად „რეალმა“ ოფიციალურად მიმართ ამსტერდამულ გრანდს და გრავენბერხის სანაცვლოდ 35 მილიონი ევრო შესთავაზა.

„მერენგები“ მზადყოფნას გამოთქვამენ, შეთანხმება იანვარშივე დახურონ, მოთამაშეს კი სეზონის ბოლომდე ჰოლანდიის ერედივიზიონში დარჩენის საშუალება მისცენ.

თუ შეთანხმება შედგება, რაიანი „რეალთან“ 6 წლიან კონტრაქტს მოაწერს ხელს, რომელსაც ვადა 2028 წელს ამოეწურება.

ესპანური გამოცემები, ბლოგერები და ექსპერტ-ანალიტიკოსები ერთხმად იუწყებიან, რომ ეს შეთანხმება ახლოს არის.