ექიმების მოლოდინით, გარეთ ბეილი სულ რაღაც 3 დღეში სრულფასოვანი დატვირთვის მიღებას დაიწყებს. უელსელი ფეხბურთელის დაბრუნება „ვალენსიასთან“ დაპირისპირებაში იგეგმება, რომელსაც ანჩელოტის გუნდი 8 იანვარს გამართავს...

რაც შეეხება კარვახალს. ესპანელი მოთამაშის მდგომარეობა დამაკმაყოფილებელი ისევ არ არის და მოედანზე გასვლა რისკებს შეიცავს.

ექიმების პროგნოზით, „ბლანკოსის“ ლიდერი სრულფასოვნად ვარჯიშს 10 იანვრიდან შეუდგება და ესპანეთის სუპერთასზე „ბარსელონასთან“ მატჩისთვის მზად იქნება.

გარდა ამისა კარგად მიმდინარეობს კოვიდინფიცირებული მადრიდელების მკურნალობის კურსიც, ისინი ანჩელოტის განკარგულებაში რამდენიმე დღეში იქნებიან.

სავსებით შესაძლებელია, რომ „რეალი“ „ელ კლასიკოს“ სრული შემადგენლობით შეხვდეს და დანაკლისი საერთოდ არ ჰქონდეს.