„ხეტაფეს“ მთავარმა მწვრთნელმა კიკე სანჩეს ფლორესმა „რეალთან“ დაპირისპირების შემდეგ პრესკონფერენციაზე ანჩელოტის გუნდზე ისაუბრა.

„მოდით, ესთეთიკაზე ნუ ვისაურებთ, რადგან ჩვენი მეტოქე „რეალი“ იყო. ეს არის კლუბი, რომლის დამარცხება დიდ სირთულეებთან არის დაკავშირებული. საბედნიეროდ, ჩვენ წარმატების გასაღებს მივაგენით. ყველა ფეხბურთელს დავალებული ჰქონდა, რომ კროოსისთვის, მოდრიჩისთვის და კაზემიროსთვის ყოველგვარი სივრცე შეეზღუდათ, რადგან ამ ფეხბურთელებს ფანტაზიის და ტექნიკის დიდი არეალი აქვთ.“

„ჩვენ ვიყავით ძალიან მობილურები და სწრაფები. დაცვაში საკმაოდ კარგი ფეხბურთი ვითამაშეთ, თუმცა გარკვეულ მომენტებში გაგვიმართლა კიდეც. „ბლანკოსი“ მწვავედ გვიტევდა, მაგრამ საბოლოო ჯამში გოლის გატანა ვერ მოახერხა.“

„2022 წელი ბრწყინვალედ დავიწყეთ. ვიცით, რომ წინ კიდევ გრძელი და რთული გზაა გასავლელი, რომელიც გამოწვევებით სავსე იქნება, თუმცა ყველაფრისთვის მზად ვართ.“