კილიან მბაპეს მამამ, ვილფრედ მბაპემ საკუთარ იურისტთან ერთად მადრიდის „რეალს“ მნიშვნელოვანი მოთხოვნა წაუყენა...

კილიანის მამას არეულობა არ სურს, ის პატივს სცემს „პსჟ“-ს ხელმძღვანელობას და თვლის, რომ ფრანგულ მხარესთან ურთიერთობის კიდევ უფრო დაძაბვა სარგებლის მომტანი არ იქნება. სწორედ აღნიშნულიდან გამომდინარე, უფროსი მბაპე „რეალს“ მოუწოდებს, რომ შეთანხმების შემდეგ ოფიციალური განცხადება არ გააკეთოს და ეს ტრანსფერი მაისის ბოლოს გაასაჯაროვოს, როდესაც „პარისენჟერმენს“ ყველა საკლუბო მატჩი დასრულებული ექნება.

ესპანური გამოცემების ცნობით, ფლორენტინო პერესი ამ გარემოების გათვალისწინებას აპირებს და საწინააღმდეგო არაფერი აქვს. პარარელურად, ვრცელდება ინფორმაცია, რომლის მიხედვითაც, „ბლანკოსი“ ლოტინს 1 ივლისს წარადგენს, მანამდე კი ყველა სატრანსფერო დეტალს მოაწერსირგებს.

არაოფიციალური ინფორმაციით, მბაპეს ოჯახის წევრები ამ ტრანსფერიდან 20 მილიონ ევროს მიიღებენ, თავად ფეხბურთელი სატრანსფერო ბონუსის სახით 40 მილიონს მიიღებს, ხოლო მისი წლიური ანაზღაურება 21 მილიონით განისაზღვრება.

კილიანსა და „ბლანკოსს“ შორის პირველი კონტრაქტის ამოწურვის ვადად 2028 წლის 30 ივნისი განისაზღვრება, მისი გამოსასყიდი თანხა კი 1 მილიარდი ევრო უნდა გახდეს.