ესპანური და იტალიური გამოცემების ცნობით, მადრიდის „რეალის“, „ბარსელონას“ და ტურინის „იუვენტუსის“ ხელმძღვანელები ერთმანეთს ისევ შეხვდნენ...

შეხვედრის მიზანი და განხილვის მთავარი თემა ისევ სუპერლიგის პროექტია, რომლის ერთგულიც სწორედ ეს გუნდები დარჩნენ.

ტოპ გრანდების ხელმძღვანელებს ეჭვი არ ეპარებათ, რომ იდეა განხორციელებადია და ამ ინიციატივას სხვა გუნდებიც მალე შეუერთდებიან.

ლაპორტა ფინანსური კრიზისის დაძლევის გზეს სწორედ სუპერლიგაში ხედავს. „ბარსელონას“ ფინანსური მდგომარეობა კატასტროფულია, ამიტომ კატალონიელთა გააქტიურება ამ მიმართულებით კიდევ უფრო მოსალოდნელი იქნება.

პროექტის სულისჩამდგმელი ფლორენტინო პერესის სახით დანებებას არ აპირებს. მხარეები თვლიან, რომ 2022 წელს ახალ ლიგასთან დაკავშირებით ბევრი რამ წავა უკეთესობისკენ.