მაშინ, როდესაც დავიდ ალაბა და ედერ მილიტაო დაცვის ცენტრს ერთად ამაგრებნე, „ბლანკოსის“ შედეგები საოცარია.

ფაქტია, რომ კარლო ანჩელოტის დაცვაში ბრაზილიურ-ავსტრიული დუეტის იმედი უნდა ჰქონდეს.

მიმდინარე სეზონის სტარტიდან დღემდე, დავიდ ალაბამ და ედერმა სასტარტო შემადგენლობაში თამაში ერთად 19-ჯერ დაიწყეს, საიდანაც „რეალმა“ 15 მოიგო, 3 ფრედ დაასრულა და მხოლოდ ერთი წააგო, თუმცა ეს ყველაფერი არ არის. 19 თამაშში კურტუამ მხოლოდ 9 გოლი გაუშვა, რაც თავისთავად საიმედო დაცვის დიდი დამსახურებაც არის.

ამასთანავე აღსანიშნავია კიდევ ერთი მნიშვნელოვანი კომპონენტი, 19 თამაშიდან 11-ში „რეალს“ გოლი საერთოდ არ გაუშვია, გაშვებული 9 გოლი კი დანარჩენ 8 დაპირისპირებაზე მოდის.

როგორც სჩანს, მილიტაოსა და ალაბას „ბლანკოსში“ დიდი ეპოქა ექნებათ და ისინი მაქსიმალურად ეცდებიან ჯერ რამოსი-პეპეს, ხოლო შემდეგ რამოსი-ვარანის დუეტის სრულფასოვან ჩანაცვლებას.