ედუარდო კამავინგა მადრიდის „რეალის“ რიგებში ნახევარი სეზონი უკვე ჩაატარა. ფრანგი ადაპტაციას ეტაპობრივად გადის, კარლო ანჩელოტი კი მისი მაჩვენებლებით კმაყოფილია...

„რეალში“ გადმოსვლიდან დღემდე, ედუარდომ ყველა ტურნირზე 17 დაპირისპირება გამართა, სადაც 1 საგოლე გადაცემის გაკეთება და ასევე 1 გოლის გატანა შეძლო.

საერთო ჯამში ყველა ტურნირზე კამავინგას ანგარიშზე 621 წუთია.

ანჩელოტი მიიჩნევს, რომ ედუარდოს ასაკის ფეხბურთელისთვის აღნიშნული მაჩვენებელი შესანიშნავია და ის სეზონის მეორე ნაწილში კიდევ უფრო მოუმატებს.

„რეალს“ რესურსის სრულად ათვისება აუცილებლად დასჭირდება, ვინაიდან გუნდი ერთვება ესპანეთის სუპერთასისა და სამეფო თასის გათამაშებებშიც.