მადრიდის „რეალის“ პრეზიდენტმა, ფლორენტინო პერესმა მთელ მსოფლიოს დამდეგი შობა-ახალი წელი მიულოცა...

„ამ განსაკუთრებულ დღესასწაულებზე ჩვენ გიგზავნით დიდ სიყვარულს და სოლიდარობას მადრიდის „რეალის“ სახელით. ჩვენს გრძნობას ვუგზავნდით ყველას, თუმცა განსაკუთრებით იმ ადამიანებს, ვისაც ეს ყველაზე მეტად სჭირდება. ჩვენ ჯერ კიდევ რთულ ეპოქაში ვართ, მაგრამ გვჯერა მომავლის. ერთად უნდა ვიცხოვროთ და ერთმანეთს სიხარული და წარმატება გავუზიაროთ, ჩვენ დარწმუნებულები ვართ, მსოფლიოში ნორმალური ცხოვრება დაბრუნდება.“

„ჩვენი ვალდებულებაა გავაგრძელოთ მუშაობა ისე, რომ ყველა მადრიდისტამ იამაყოს საფეხბურთო და საკალათბურთო გუნდებით. ვაპირებთ, გავაგრძელოთ ახალი ტრიუმფებითა და ახალი ტიტულებით ტკბობა. გილოცავთ დამდეგ დღესასწაულებს, დაე ახალმა წელიწადმა მოგვიტანოს ჯანმრთელობა, შრომა და ბედნიერება.”