მოგეხსენებათ, დანი კარვახალს კვლავ დისკომფორტი აწუხებს. ფეხბურთელმა აღდგენითი პროცესი უკვე დაიწყო.

ანჩელოტი განაპირა მცველს „სან მამესზე“ ვერ გამოიყენებს, დანი ხელმისაწვდომი ასევე არ იქნება 2 და 5 იანვრის დაპირისპირებებში, სადაც მეტოქეები შესაბამისად „ხეტაფე“ და კარგად ნაცნობი „ალკოიანო“ იქნებიან.

8 იანვარს „ბლანკოსს“ საკმაოდ მნიშვნელოვანი დაპირისპირება აქვს „ვალენსიას“ წინააღმდეგ. ექიმები იმედოვნებენ, რომ კარვახალი „ღამურების“ წინააღმდეგ 30-35 წუთს იასპარეზებს, ხოლო „ელ კლასიკოსთვის“, რომელიც 12 ან 13 იანვარს შედგება აბსოლუტურად მზად იქნება.

„ბარსელონასა“ და „რეალს“ შორის მატჩი ესპანეთის სუპერთასის ნახევარფინალის ეგიდით არის ჩანიშნული.