ესპანური გამოცემების ცნობით, დავიდ ალაბა PCR ტესტის პასუხს ელის. ავსტრიელი ფეხბურთელი დღეს „ბლანკოსთან“ ერთად არ ვარჯიშობდა.

„სან მამესზე“ კარლო ანჩელოტის არც გუნდის ერთ-ერთი ლიდერის იმედი უნდა ჰქონდეს. ალაბას გარკვეული სიმპტომები აქვს, აქედან გამომდინარე, იზოლირებულია და ტესტის პასუხს ელის.

გარდა ამისა, არაერთი ავტორიტეტული გამოცემა იუწყება, რომ სწრაფ ტესტზე დადებითი პასუხის შემდეგ, ისკო ალარკონს PCR ტესტმაც დადებითი შედეგი აჩვენა, თუმცა „რეალის“ ოფიციალური ვებ-გვერდი აღნიშნულ საკითხთან დაკავშირებით განცხადებას ჯერ-ჯერობით არ აკეთებს.

როგორც სჩანს, „ბილბაოსთან“ დაპირისპირება მადრიდის „რეალისთვის“ საკმაოდ მძიმე იქნება, ვინაიდან მთავარ მწვრთნელს ფეხბურთელების აშკარა დეფიციტი აქვს.