კარიმ ბენზემასთვის „კადისთან“ დაპირისპირება ისტორიული იყო...

ფრანგმა „9“-იანმა მადრიდის „რეალის“ მაისური მხოლოდ ლა ლიგაში მეოთხასედ მოირგო. აღსანიშნავია, რომ 400 მატჩიდან კარიმმა 282 მოიგო და 205 გოლის გატანა შეძლო.

ჩატარებული მატჩების მხრივ ბენზემასთვის საუკეთესო სეზონი 2019/20 წლების სეზონში დაფიქსირდა, როდესაც მან 38-იდან 37 დაპირისპირებაში მიიღო მონაწილეობა.

რაც შეეხება სეზონს, სადაც მან ყველაზე მეტი გოლი გაიტანა, ეს არის 2015/16 წლები, მაშინ ფრანგმა მეტოქის კარის ბადეში ბურთის გახვევა 24-ჯერ შეძლო.

მიმდინარე სეზონში ბენზემა 13 გოლით ლა ლიგის საუკეთესო ბომბარდირია და ისტორიულ სეზონს ატარებს.