მადრიდის „რეალი“ მარჯვენა მცველის შეძენაზე სერიოზულად მუშაობს. 2022 წლის ზაფხულში ფლორენტინო პერესი დანიელ კარვახალის კონკურენტს აუცილებლად დაიმატებს, თუმცა ხელმძღვანელობა ჯერ კიდევ ძიების პროცესშია...

ლონდონის „ჩელსის“ განაპირა მცველი, რის ჯეიმსი, რომელმაც არნახული პროგრესი აჩვენა, „რეალის“ რადარზე უმალ მოექცა, თუმცა როგორც სჩანს ამაოდ, ვინაიდან „არისტოკრატები“ ინგლისელი ფეხბურთელის გაყიდვის კატეგორიული წინააღმდეგნი არიან.

ჯეიმსს „ჩელსისთან“ კონტრაქტი 2025 წლის ზაფხულამდე აკავშირებს, ის ლონდონური კლუბის გაზრდილია და ტუხელი გაყიდვის ვარიანტს საერთოდ არ განიხილავს.

რისის ფასი 45 მილიონ ევროს გადასცდა, თუმცა როგორც უკვე აღვნშნეთ, „ჩელსი“ უფრო მეტ თანხასაც არ განიხილავს. ჯეიმსი არ იყიდება!