ანჩელოტი დენზელ დამფრინსის კანდიდატურით დაინტერესდა
ჰოლანდიელი განაპირა მცველი, დენზელ დამფრისი მადრიდის „რეალის“ რადარზე მოექცა. მილანის „ინტერის“ ფეხბურთელით კარლო ანჩელოტი პირადად დაინტერესდა და მას დანიელ კარვახალის შემცვლელად მოიაზრებს...
25 წლის ფეხბურთელი სერია „ა“-ში სულ ცოტა ხნის წინ გამოჩნდა, თუმცა მოედანზე ხშირად არის და ეფექტურად თამაშობს, ის პოზიციით მარჯვენა მცველია.
სერია „ა“-ში გამართულ 15 დაპირისპირებაში ის 2 გატანილ გოლს და ასევე 2 საგოლე გადაცემას მოითვლის. როტერდამში დაბადებული ფეხბურთელი ჩემპიონთა ლიგაზეც 5-ჯერ გამოჩნდა მოედანზე და 1 საგოლე გადაცემის ჩაწერა შეძლო აქტივში. დამფრისი მილანელთა სასტარტოს მუდმივ წევრად არ ითვლება, თუმცა როდესაც მოედანზე ჩნდება, მისი მარგი ქმედების კოეფიციენტი ყოველთვის მაღალია.
ფეხბურთელის შესაძლებლობები ამ ეტაპზე დაახლოებით 20 მილიონ ევროდ არის შეფასებული. მოთამაშეს „შავ-ლურჯებთან“ კონტრაქტი 2025 წლამდე აკავშირებს, მისი აგენტი ყველასათვის კარგად ცნობილი მინო რაიოლაა.
- 19 დეკემბერი 2021
- 568
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.