ფრანგული და ესპანური გამოცემების ცნობით, დიდიე დეშამმა საფრანგეთის ნაკრები 2022 წლის მსოფლიო ჩემპიონატის შემდეგ შესაძლოა არ დატოვოს. ახალი ინფორმაციის მიხედვით, „მამლების“ დამრიგებლებს კიდევ რამდენიმე წლით სურს „ლურჯების“ მესაჭის როლის მორგება...

იმ შემთხვევაში, თუ საფრანგეთის ფეხბურთის ფედერაციამ სხვაგვარი გადაწყვეტილება არ მიიღო, ზინედინ ზიდანს ეროვნული ნაკრების ჩაბარება კიდევ დიდი ხნის მანძილზე არ ეღირსება.

ამ ინფორმაციის გავრცელების შემდეგ, ზიზუ კიდევ უფრო მეტად დაუკავშირეს „პსჟ“-ს, რომელიც მაურისიო პოჩეტინოს დათხოვნას გეგმავს, ფრანგ ლეგენდას კი ასტრონომიულ ხელფასს და ყველა პირობას სთავაზობს იმისთვის, რომ თავი შესანიშნავად იგრძნოს.

თუ დეშამთან დაკავშირებით დამაზუსტებელი ინფორმაცია მალე გახდება საჯარო, ზიდანის მომავალი მართლაც საბოლოოდ გაირკვევა და ის „პარისენჟერმენს“ ჩაუდგება სათავეში, ვინაიდან დიდიეს ლოდინში დიდხანს უქმად ყოფნას არ აპირებს.