ხულიენ ლოპეტეგის „სევილია“ აღარ ხუმრობს. ანდალუსიურმა კლუბმა უშუალო კონკურენტი დაამარცხა „ატლეტიკოს“ სახით და 37 ქულას მოუყარა თავი.

„ატლეტიკო“ „სევილიასთან“ მარცხის გმაო მეხუთე პოზიციაზეა დაქვეითებული და 29 ქულას ფლობს. სიმეონეს გუნდი „რეალს“ 12 ქულით ჩამოუვარდება.

რაც შეეხება „სევილიასა“ და „ბლანკოსს“ შორის სხვაობას. ამ ეტაპზე ორივე გუნდს 17 მატჩი აქვთ ნათამაშები და ქულათა სხვაობა ხუთს შეადგენს, თუმცა დღეს „ბლანკოსი“ მე-18 მატჩს ითამაშებს, სადაც გამარჯვების შემთხვევაში 8 ქულიან განსხვავებას მივიღებთ.

თავის მხრივ, გაიმარჯვა „ბარსელონამაც“, რომელსაც „ელჩემ“ პრობლემები შეუქმნა, თუმცა მატჩი ჩავის გუნდის სასარგებლოდ, ანგარიშით 3-2 დასრულდა და „ბლაუგრანამ“ სატურნირო მდგომარეობა ოდნავ გაიუმჯობესა. ამ ეტაპზე „ბარსელონას“ მიზანი ოთხეულში შესვლაა.

„სევილია“ კი აღარ ხუმრობს. უკვე ნათლად გამოიკვეთა, რომ „რეალის“ მთავარი კონკურენტი საჩემპიონო ბრძოლაში სწორედ „სანჩეს პისხუანის“ მკვიდრები არიან.