დღეს, 18 დეკემბერს 5 წელი გავიდა მას შემდეგ, რაც მადრიდის „რეალმა“ მსოფლიო საკლუბო ჩემპიონატი მეხუთედ მოიგო...

2016 წლის 18 დეკემბერს „მერენგებმა“ „კაშიმა ანტლერსი“ 4-2 დაამარცხეს. მატჩი საკმაოდ დრამატულად წარიმართა. კარიმ ბენზემას მიერ გატანილ გოლს მეტოქემ 2 ბურთით უპასუხა და წინ გავიდა, თუმცა კრიშტიანო რონალდუმ პენალტის ნიშნულიდან წონასწორობის აღდგენა შეძლო და დაპირისპირების ძირითადი დრო 2-2 დასრულდა.

დამატებით დროში კრიშტიანო რონალდუმ „კაშიმას“ კიდევ 2 გოლი გაუტანა და საბოლოო ჯამში 4-2 დაფიქსირდა.

მადრიდის „რეალის“ შემადგენლობა ასე გამოიყურებოდა - ნავასი, კარვახალი, რამოსი, ვარანი, მარსელო, კაზემირო, კროოსი, მოდრიჩი, ვასკესი, რონალდუ, ბენზემა.

ფინალში გასვლამდე ნახევარფინალის ეგიდით გამართულ დაპირისპირებაში მადრიდელებმა მექსიკურუი კლუბი „ამერიკა“ 0-2 დაამარცხეს. თავის გამოჩენა კი რონალდუმ და ბენზემამ შეძლო.