პეტერ ფედერიკოს შესახებ არაერთი ინფორმაცია ვრცელდება. უკვე გაუწყეთ, რომ კარლო ანჩელოტი ახალგაზრდა გარემარბისთვის შანსის მიცემას აპირებს, „კასტილიას“ შემადგენლობის გამოქვეყნებამ კი ყველაფერს ნათელი მოფინა...

ახალგაზრდა შემტევი რაულის განკარგულებაში არ იქნება, რაც იმას ნიშნავს, რომ კარლო ანჩელოტი მას „კადისთან“ დაპირისპირებისტვის გამოიძახებს.

დღევანდელ ვარჯიშზე ახალგაზრდა შემტევი „ბლანკოსის“ მთავარ გუნდთან ერთად იქნება და იტალიელი სპეციალისტის რჩევა-დარიგებებს მოისმენს.

დომენიკელი ფეხბურთელი, რომელიც ესპანეთის მოქალაქეობას ფლობს, სულ რაღაც 19 წლის არის და დიდ პერსპექტივას ფლობს. მისი ფასი ამ ეტაპზე ნახევარი მილიონი ევროა, თუმცა ეჭვი არავის ეპარება, რომ მოედანზე გამოჩენის შემდეგ მოთამაშე გაცილებით პოპულარული გახდება.

ფედერიკოს „კასტილიასთან“ კონტრაქტი 2024 წელს ეწურება. რაულის გუნდში მოხვედრამდე ის „რეალის“ 17 და 18 წლამდელებშიც გამოდიოდა.