„ლა ლიგამ“ კორონავირუსთან დაკავშირებული პროტოკოლი განაახლა.

Cope-ს ინფორმაციით, ახალი წესების მიხედვით, ნებისმიერ გუნდს ექნება უფლება, 1-ელ მარტამდე მოითხოვოს 2 შეხვედრის გადადება, თუ მათ განაცხადში 13 ფეხბურთელზე ნაკლები იქნება. აღსანიშნავია, რომ კლუბებს შეეძლებათ საკადრო პრობლემები ასაკობრივი კოლექტივების რესურსით გადაჭრან, თუმცა ამ შემთხვევაშიც, მათ შეხვედრისათვის პირველი შემადგენლობის მინიმუმ 5 მოთამაშე უნდა ჰყავდეთ მზადყოფნაში.

1-ლი მარტის შემდეგ, თუ რომელიმე კლუბი კორონავირუსის შემთხვევების მიზეზით ვერ გამოცხადდება მატჩზე, ტაბლოზე ტექნიკური წაგება დაფიქსირდება.

ამასთანავე, კლუბებს დაევალათ ყოველდღიურ რეჟიმში ანტიგენზე დაფუძნებული ტესტირების ჩატარება, ხოლო საშობაო არდადეგებიდან ფეხბურთელების დაბრუნების შემდეგ, მათი PCR მეთოლოგოიით შემოწმება.