მიმდინარე კვირა სამეფო გუნდისთვის მეტად დაძაბული გამოდგა.

6 ფეხბურთელისა და 1 მწვრთნელის კორონავირუსით დაინფიცირების გამო, „რეალმა“ უსაფრთხოების ზომები მაქსიმალურად გაამკაცრა. მას შემდეგ, რაც მოდრიჩსა და მარსელოს COVID19-ისთვის დამახასიათებელი სიმპტომები გამოუვლინდათ, კლუბი ყოველ დილით ახდენს ფეხბურთელებისა და მომუშავე პერსონალის გატესტვას.

დღევანდელი მონაცემებით, „ბლანკოსში“ ახალი დადებითი შემთხვევები არ დაფიქსირებულა. რაც შეეხება ხორვატ ნახევარმცველს, მისი მდგომარეობა გაუმჯობესდა, ვინაიდან განმეორებითი ტესტირების შედეგად, უარყოფითი პასუხი მიუვიდა.

შეიძლება ითქვას, რომ ანჩელოტიმ ცოტათი ამოისუნთქა.

BD