ვინისიუს ჯუნიორი შესანიშნავ სეზონს ატარებს, რისი წყალობითაც, მისი რეპუტაცია მეტად ამაღლდა საფეხბურთო საზოგადოებაში. არსებული ეტაპისათვის, ბრაზილიელი შემტევი 12 გოლსა და 9 გადაცემას მოითვლის. ის „რეალის“ ნოემბრის თვის საუკეთესო მოთამაშე გახდა და მიმდინარე სეზონში უკვე მესამედ მიიღო აღნიშნული ჯილდო კლუბის სპონსორისგან, Mahou-სგან.

„ვფიქრობ, ბევრი კომპონენტის გაუმჯობესება მოვახდინე, მაგრამ ყველაზე მთავარია სიმშვიდის მოპოვება. ახლა გაცილებით წყნარად და ცივსისხლიანად ვუდგები საქმეს, უფრო მეტი ხარისხით. ამასთანავე, როდესაც გუნდი მაღალ დონეზე ირჯება, მეც მიადვილდება ასპარეზობა.“

„წარმატებული სვლა თავდაუზოგავი მუშაობის ნაყოფია. ჩვენ განსაკუთრებით საიმედოდ ვირჯებით უკანა ხაზში, რაც ყველაფრის საწინდარია.“


AS