როგორც იცით, დღეს, (თბილისის დროით 15:30 საათზე), ესპანეთის სამეფოს ფეხბურთის ფედერაციის შტაბ-ბინაში, „კოპა დელ რეი“ კენჭიყსრა გაიმართება, რომელშიც 32 კლუბი მიიღებს მონაწილეობას.

აღნიშნული ეტაპიდან ტურნირის გათამაშებაში ჩართვის საშუალება ეძლევათ ესპანეთის სუპერ თასზე მონაწილეებს - „რეალს,“ „ატლეტიკს,“ „ატლეტიკოსა“ და „ბარსელონას.“ ფორმატის მიხედვით, მათ რანგით მე-3 ან მე-4 დივიზიონის გუნდთან მოუწევთ ასპარეზობა.

ანჩელოტის შეგირდების მეტოქე კი, ჩამოთვლილი კოლექტივებიდან ერთ-ერთი იქნება: „მახადაჰონდა“, „ალკოიანო“, „ლინარესი,“ „ატლეტიკო ბალეარესი“ და „მანჩა რეალი.“

1/16 ფინალის ერთმატჩიანი დუელები 4/5/6 იანვარს გაიმართება. მადრიდელებს სტუმრად მოუწევთ ბურთაობა საკმაოდ მოკრძალებულ სტადიონზე, სადაც VAR-ის სისტემა ჯერ დანერგილი არ არის.