ზამთრის სატრანსფერო ფანჯრის მოახლოვებასთან ერთად, კილიან მბაპეს საკითხი უფრო აქტუალური ხდება.

როგორც იცით, 1-ლი იანვრიდან, ფრანგ ფეხბურთელს უფლება ეძლევა, პირდაპირი მოლაპარაკებები აწარმოოს ნებისმიერ მსურველთან. ბოლო პერიოდის განმავლობაში მიცემულ ინტერვიუებში, ის თავს არიდებს მომავალ გეგმებზე საუბარს, რაც კიდევ ერთხელ ცხადყოფს, რაოდენ მტკიცედ აქვს გადაწყვეტილი დედაქალაქის დატოვება.

თავის მხრივ, პარიზულ გრანდშიც ნელ-ნელა ეგუებიან რეალობას. თუ სექტემბრის მიწურულს კლუბის სპორტული დირექტორი გამორიცხავდა ახალგაზრდა ვარსკვლავის წასვლას, ახლა მისი პოზიცია განსხვავებულია: „რა უნდა ითქვას კილიანზე, შესანიშნავი, განსხვავებული და უნიკალური ფეხბურთელია. ყველამ იცის ჩვენი დამოკიდებულება მის მიმართ, მაგრამ ვნახოთ, როგორ განვითარდება მოვლენები“ - დასძინა ლეონარდომ სობრონის უნივერსიტეტში გამართულ შეხვედრაზე, სადაც ბრაზილიელი სპორტის მენეჯმენტის თემაზე სასაუბროდ იყო მიწვეული.


AS