მოგეხსენებათ, როდრიგო გოეში და მარკო ასენსიო კოვიდინფირებულები არიან. ასევე ინფექცია აღენიშნება გარეთ ბეილს, რაც იმას ნიშნავს, რომ „რეალის“ შეტევის მარჯვენა ფლანგზე ანჩელოტის არჩევანი ფაქტობრივად აღარ აქვს...

ზემოაღნიშნული იმას ნიშნავს, რომ ედენ აზარი „კადისთან“ მატჩში აუცილებლად მიიღებს შანსს. კარლიტო შეტევის მარჯვენა ფლანგზე ვასკესსა და აზარს შორის გააკეთებს არჩევანს, თუმცა უნდა აღინიშნოს, რომ ესპანელმა შესაძლოა მარჯვენა მცველად ითამაშოს, ვინაიდან კარვახალი ბოლომდე მზად არ არის.

ანჩელოტი ლუკა მოდრიჩის შეცვლას ფედერიკო ვალვერდეთი აპირებს, წინ კი აზარი, ბენზემა, ვინისიუსის ტრიოს გამოყვანა აქვს დაგეგმილი. სხვა მხრივ, „ბლანკოსის“ სასტარტოში ძირეული ცვლილება არ იგეგმება. სხვა ინფიცირებულები ლუნინის, ბეილის და მარსელოს სახით ისედაც არ მოიაზრებიან ძირითადის მოთამაშეებად.