როგორც იცით, სამეფო კლუბში კოვიდაფეთქება დაფიქსირდა.

პირველი გუნდის 6 ფეხბურთელს, PCR ტესტის დადებითი პასუხის გამო, 10 დღიანი უქმობა მოუწევთ. მოდრიჩი, ასენსიო, მარსელო, როდრიგო, ლუნინი და ბეილი 2021 წელს დარჩენილ 2 შეხვედრაში მონაწილეობას ვეღარ მიიღებენ.

„ბლანკოსი“ მომდევნო მეტოქე „კადისი“ იქნება. მადრიდელები კვირას შეეჯიბრებიან ანდალუსიელებს. აღსანიშნავია, რომ ლა ლიგის წესდების თანახმად, ამ ეტაპისათვის შეხვედრის გადადების საფუძველი არ არსებობს. ეს მხოლოდ იმ შემთხვევაში მოხდება, თუ გუნდს მატჩის განაცხადში 13-ზე ნაკლები ფეხბურთელი ეყოლება.

ცხადია, არსებული სიტუაცია დიდი თავსატეხია კარლიტოსთვის, თუმცა შემადგენლობას გააჩნია ყველანაირი რესურსი, 3 ქულისთვის იბრძოლოს მოახლოვებულ პაექრობებში.