იმ შემთხვევაში, თუ მადრიდის „რეალი“ ზაფხულში ერლინგ ჰოლანდის ან რობერტ ლევანდოვსკის დამატებას ვერ მოახერხებს, ჰარი კეინის ტრანსფერი კვლავ დღის წესრიგში დადგება...

კეინისთვის მიმდინარე სეზონი საუკეთესო ნამდვილად არ არის, მაგრამ მადრიდში მის შესაძლებლობებში ეჭვი არ ეპარებათ და თვლიან, რომ ჰარის დამატების შემთხვევაში ანჩელოტის გუნდის შეტევითი რესურსი კიდევ უფრო გაზრდილი იქნება.

ესპანური გამოცემების ცნობით, ზაფხულის დაწყებისთანავე პერესი „ტოტენჰემს“ არ მიმართავს, რადგან მას კილიან მბაპეს ტრანსფერი ექნება დასახური, პარარელურად კი ჰოლანდზე იმუშავებს.

კეინის საკითხი აქტუალური მხოლოდ იმ შემთხვევაში დადგება, თუ „მერენგები“ N1 და N2 მიზანს ვერ მიაღწევენ ერლინგისა და ლევანდოვსკის სახით.