Whiteheart
საქართველოს სათამაშო ბიზნესის ასოციაცია ქართული სპორტის სპონსორობის გაუქმებას აანონსებს.

ამის შესახებ ასოციაცია საკუთარ ვებგვერდზე განცხადებას აქვეყნებს, სადაც ვკითხულობთ, რომ გადაწყვეტილება მთავრობის მხრიდან სათამაშო ბიზნესისთვის ახალი რეგულაციების დაწესებას უკავშირდება.

"კანონ-პროექტის განხილვები დაჩქარებული წესით მიმდინარეობს და პარლამენტი მიმდინარე კვირაში აპირებს მის დამტკიცებას.

ზემოხსენებული საკანონმდებლო ინიციატივები სპორტის სფეროს ზოგიერთმა წარმომადგენელმა შეაფასა ქართული სპორტის მიერ დაფინანსების მოპოვების ახალ შესაძლებლობად. ასოციაციის ფორმატში, საქართველოში ლიცენზირებული ყველა სათამაშო ვებ-გვერდის ოპერატორის სახელით, გვსურს, აღნიშნული საკითხი განვმარტოთ შემდეგნაირად:

აზარტული თამაშების კომპანიების სასპონსორო აქტივობები, განსაკუთრებით ბოლო წლებში, მნიშვნელოვნად გაიზარდა და ქართულ სპორტში ჩაიდო რამდენიმე ათეული მილიონი ლარი, რამაც ხელი შეუწყო ადგილობრივი ჩემპიონატებისა თუ სპორტსმენების განვითარებას. აღნიშნული სასპონსორო კამპანიების უმთავრესი დანიშნულება, პირველ რიგში, ოპერატორების მიერ აღებული სოციალური პასუხისმგებლობაა და, ასევე, ემსახურება კომპანიების იმიჯის ამაღლებას. ამ მიმართულებით გამოყოფილი უზარმაზარი ფულადი სახსრები ფინანსდებოდა ბიზნესის სტანდარტული საქმიანობით, რაც შესაძლებელი იყო მხოლოდ და მხოლოდ მოქმედ საკანონმდებლო პირობებში - სხვა მარკეტინგული ან ფინანსური გამართლება აღნიშნულ სასპონსორო კამპანიებს არასოდეს ჰქონია.

გვსურს დაგარწმუნოთ, რომ მოსალოდნელი რეგულაციები უმძიმესი წნეხის ქვეშ მოაქცევს სათამაშო ბიზნესის სექტორში დასაქმებულ კომპანიებს, რაც ავტომატურად გამოიწვევს ხარჯების ოპტიმიზაციის საჭიროებას და შეუძლებელს გახდის ქართული სპორტის განვითარებაში ინვესტიციების ჩადებას. კანონ-პროექტით დაშვებული სასპონსორო სარეკლამო საქმიანობა არ წარმოადგენს კომპანიებისათვის მარკეტინგულად თუ ფინანსურად გამართლებულ დანახარჯს, აქედან გამომდინარე, სამწუხაროდ, დაანონსებული საკანონმდებლო შეზღუდვების დამტკიცების პირობებში სათამაშო ბიზნესის სექტორს მოუწევს უარი თქვას სპორტის სპონსორობაზე", - ნათქვამია ასოციაციის განცხადებაში.

საქართველოს ჩემპიონატს კრისტალბეთ ეროვნული ლიგა ჰქვია, ბათუმის სტადიონს აჭარაბეთ არენა ჰქვია, დინამო ბათუმის სპონსორი ლიდერბეთი არის, დინამო თბილისის სპონსორი ბეთლაივი არის, კროკობეთი უამრავი ქართული კლუბის სპონსორი არ არ მარტო უმაღლეს ლიგაში არამედ მეორე და მესამე ლიგაშიც ბევრ გუნდს ასპონსორებს კროკობეთი, ევროპაბეთი კი ქუთაისის ტორპედოს სპონსორი არის. მოკლედ რომ ვთქვათ გინდა არ გინდა ამ კომპანიებზე დგას ქართული ფეხბურთი. იცით სიმარტლე რატომ აუქმებს მთავრობადა ღარიბაშვილი რეალურად ამ კომპანიოებს ქართულ ბაზარზე? იმიტომ რომ თითქმის ყველა ოპოზიციური არხის მთავარი არხის, ტვ პირველის და ფორმულას სპონსორიც და მთავარი შემოსავლის წყარო ეს კომპანიები არის და მათი სპონსორობის გარეშე ეს ყველა ოპოზიციური არხი გაუქმდება და სწორედ მაგიტომ აკეთებს ეს მთავრობა ამას და არა იმიტომ რომ ღარიბაშვილს და მის ბანდას ჩვენ ვაინტერესებთ. ყველაფერს ოპოზიციური არხების დასაძირად აკეთებენ და არა ხალხზე ზრუნვის მიზნით. აი ეს არის ნამდვილი სიმართლე.