ჩემპიონთა ლიგის 1/8 ფინალის ცენტრალური მატჩი ყველა ვარიანტში „პსჟ“-სა და „რეალს“ შორის შედგება. ფაქტია, რომ ორივე გუნდის რიგებში ტოპ ვარსკვლავები გამოდიან, ქომაგები კი არნახულ დაპირისპირებებს იხილავენ...

პარიზელთა მხრიდან დონარუმა, ჰაკიმი, რამოსი, ვერატი, დი მარია, მბაპე, მესი, ნეიმარი და სხვები, ხოლო მადრიდელთაგან კურტუა, კარვახალი, ალაბა, კაზემირო, მოდრიჩი, კროოსი, ბენზემა, ვინი და კიდევ ბევრი დიდი ვარსკვლავი სტადიონზე ნამდვილ სპექტაკლს დადგამენ.

ესპანურ გამოცემებს უჭირთ მოიძიონ ისეთი დაპირისპირებები, სადაც ერთბაშად ამდენი ტოპ ფეხბურთელი იყო მოედანზე.

ფავორიტი ამ პაექრობაში რა თქმა უნდა არ იარსებებს, შანსები თანაბარი იქნება, ინტერესი კი ყველაზე მაღალი.

ასევე უნდა აღინიშნოს, რომ „პსჟ“-ს მიმდინარე ფორმაციაში 4 მადრიდისტა ჰყავს ჰაკიმის, დი მარიას, კეილორ ნავასისა და სერხიო რამოსის სახით, მათ კარგად იციან, რას ნიშნავს ბერნაბეუზე თამაში.