მადრიდულ დერბიში მოპოვებული გამარჯვების შემდეგ, „რეალის“ გასახდელში მეტად საზეიმოდ და ამაღლებული განწყობა სუფევდა.

ნამატჩევს, „ატლეტიკოს“ კარში მეორე შედეგიანი დარტყმის ავტორმა მარკო ასენსიომ, სოციალურ ქსელში გოლის აღნიშვნის დროს გამოწვეული ემოციის ამსახველი ფოტო ატვირთა - „დერბი ჩვენია! დიდებული ატმოსფერო „სანტიაგო ბერნაბეუზე.“ წინ!“ - რაზეც „როხბილანკოს“ წინააღმდეგ 2 ასისტის შემსრულებელმა ვინიმ შემდეგი კომენტარი დაუტოვა: „ძალიან მარტივი.“

ბრაზილიელი ფეხბურთელის სიტყვებს დიდი გაღიზიანება მოჰყვა თანაქალაქელთა ბანაკში, თუმცა რაც მართალია, გვერდს ვერ ავუვლით. „რეალმა“ საკმაოდ მშვიდად, აუღელვებლად და ყოველგვარი გართულებელის გარეეშე მოიპოვა აღნიშნული გამარჯვება.