ჩემპიონთა ლიგის მერვედფინალურ სტადიაზე კილიან მბაპეს 2 მატჩის ჩატარება მოუწევს სამეფო კლუბის წინააღმდეგ.

როგორც იცით, ფრანგი თავდამსხმელი 2022 წლის 30 ივნისის შემდეგ თავისუფალი აგენტი ხდება, შესაბამისად, „რეალს“ იანვრიდანვე შეუძლია მასთან უშუალო კომუნიკაციის დამყარება, თუმცა L'Équipe-ს ინფორმაციით, წილისყრის შედეგებიდან გამომდინარე, მადრიდელებს მარტამდე მოუწევთ მოცდა, სანამ კლუბებს შორის მეორე ორთაბრძოლა არ გაიმართება.

აღნიშნულიდან გამომდინარე, პარიზულ გრანდს შეგირდის დარწმუნებისათვის დამატებითი დრო მიეცა. მბაპეს მკაფიოდ აქვს გადაწყვეტილი ადგილმდებარეობის შეცვლა, მაგრამ შეიხის წარმომადგენლები მას მაინც არ ეშვებიან და განახლებული პირობებს სთავაზობენ, რაც მოთამაშეს შემადგენლობის ყველაზე მაღალანაზღაურებად წევრად აქცევს.

დიდი ალბათობით, ივლისში, კილიანის ესპანეთში გადაბარგებას ხელს ვერაფერი შეუცვლის, თუმცა ფაქტია, რომ ჩემპიონთა ლიგის კენჭისყრაზე განვითარებული მოვლენები, კიდევ უფრო დაძაბავს მის ირგვლივ არსებულ სიტუაციას.