სერხიო რამოსს კილიან მბაპეს ვინისიუს ჟუნიორთან ერთად თამაშზე ჰკითხეს...

„მე არ ვიცი, შეუძლიათ თუ არა მბაპეს და ვინისიუსს ერთად თამაში. მხოლოდ ის შემიძლია გითხრათ, რომ ლოტინი ძალიან ახალგაზრდაა და ყველაფერი წინ აქვს.“

„კილიანის დარჩენას ჩვენთან ვისურვებდი, რადგან ის „პსჟ“-ს ერთ-ერთი ლიდერი და მთავარი ფიგურაა. ფაქტია, რომ მბაპეს როლი ჩვენი გუნდის წარმატებაში პიკს აღწევს.“

„ვინისიუს ჟუნიორის თამაშით აღფრთოვანებული ვარ. ბრაზილიელი მომავლის ფეხბურთელი აღარ არის, ის აწმყოს წარმატების გასაღებია. „რეალის“ თამაშებს თვალს ვადევნებ და ვთვლი, რომ ანჩელოტის გუნდი მოწოდების სიმაღლეზე დგას. ლა ლიგაში სამეფო კლუბმა დიდი უპირატესობა მოიპოვა და მთავარი ფავორიტის სტატუსი მოირგო, რაც ძალიან მნიშვნელოვანი ფაქტია.“

„ყოფილ თანაგუნდელებთან კომუნიკაცია ჯერ არ მქონია, მაგრამ ვიცი, რომ დღის ბოლოს არაერთ მესიჯს მივიღებ სოციალური ქსელების ჩატებში.“

„ბერნაბეუზე ვიზიტზე ფიქრს დღეიდანვე ვიწყებ. ეს იქნება დიდი ემოციები, დიდი სიყვარული და დაბრუნება სახლში. მჯერა მადრიდელთა ქომაგების, მჯერა ჩემს მიმართ პატივისცემის, მჯერა ისტორიის და ვიცი, რომ ესპანეთის დედაქალაქში შესანიშნავად მიმიღებენ. უკვე აღვნიშნე, რომ „რეალის“ წინააღმდეგ თამაში არ მსურდა და სხვა მეტოქეს ვარჩევდი, თუმცა არსებულ რეალობას ვერსად გავექცევით.“

„2021 წელი ჩემთვის მძიმე გამოდგა. ვერ ვიტყვი, რომ განვლილი თვეები მარტივი იყო. ძალიან დიდი ძალისხმევა დამჭირდა ტრავმის სამკურნალოდ და ამაში ბევრი ადამიანი დამეხმარა. შევიცვალე კლუბი, დავემშვიდობე მეგობრებსა და ქომაგებს, რამაც დამატებითი სირთულეები გამიჩინა. სპორტ დარბაზში ძალიან დიდ დროს ვატარებდი და ვოცნებობდი დებიუტზე, რომელიც პარიზში მქონდა. მსურდა, რომ ის მატჩი არასდროს დამთავრებულიყო, ვინაიდან მოედანზე ყოფნით უდიდეს სიამოვნებას ვიღებდი.“