ალბათ, მიმდინარე სეზონის წინ ვერავინ წარმოიდგენდა, რომ „რეალის“ შემტევი რგოლი ასეთ ციფრებს მოუყრიდა თავს.

განვლილ უქმეებზე გამართულ მადრიდულ დერბიში, გულშემატკივრებს მორიგი ბენეფისი შესთავაზეს ბენზემამ და ვინისიუსმა. ფრანგმა შესანიშნავი დარტყმით გამოიჩინა თავი, რასაც გოლი მოჰყვა, ხოლო ბრაზილიელმა 2 შედეგიანი გადაცემა ჩაიწერა აქტივში. საშობაო არდადეგებამდე 2 კვირით ადრე, მათი ტანდემი 23 გოლსა და 17 ასისტს მოითვლის, რაც საუკეთესო მაჩვენებელია ევროპის ტოპ 5 ჩემპიონატის მასშტაბით.

მადრიდელებთან მიახლოვებული შედეგი აქვს „მერსისაიდულ“ დუეტს. მოჰამედ სალაჰმა და დიოგო ჯოტამ საერთო ჯამში „ლივერპულის“ 32 გოლში მიიღეს მონაწილეობა.

რაც შეეხება დანარჩენი ტურნირების საუკეთესო წყვილებს:

ბუნდესლიგა: ვირცი და შიკი („ლევერკუზენი“) - 28 გოლში მონაწილეობა; ლევანდოვსკი და გნაბრი - 23 გოლში მონაწილეობა;

სერია ა: იმობილე და მილინკოვიჩ-სავიჩი - 23 გოლში მონაწილეობა; მარტინესი და ჯეკო - 21 გოლში მონაწილეობა;

ლიგა 1: მბაპე და დი მარია - 22 გოლში მონაწილეობა; აჟორკე და დიალო („სტრასბურგი“) - 22 გოლში მონაწილეობა;